إبنه أنهي حياة صديقه الوحيد وإعتزل بسبب سعاد حسني وإشتغل ميكانيكي أحمد مظهر ترك الجيش من أجل الفن

وهتستغرب أكتر لو قولتلك إنه اشتغل كمان في الإخراج، وأخرج 3 أفلام، هما نفوس حائرة، وحبيبة غيري، وليلة في القاهرة، وده فيلم تلفزيوني..

وسيب كل الحجات الغريبة اللي أنا قولتها واسمع دي..

في سنة 72 إعتزل أحمد مظهر وساب التمثيل، وفتح في جراج بيته ورشة لتصليح العربيات.. أيوة زي ما بقولك كده، هو كان غاوي ميكانيكا وتصليح عربيات.

والموضوع مكنش مشروع هيسيب الفن عشانه، الموضوع كان خناقة بينه وبين سعاد حسني على فيلم من الأفلام، وقتها كان مصمم إن إسمه يتكتب الأول على الأفيش، وهيا صممت إن إسمها ييجي قبل إسمه؛ فاتخانقوا وقرر يسيب الفن والسينما، ويفتح الورشة..

كمان وقتها فكر يفتح استديو للتصوير الفوتغرافي، الفوتغرافي يعني الصور بتاعة زمان،  أربعة ف ستة بتاعة المدارس دي، وده لإنه كان آخد شهادة جودة من المصور أحمد خورشيد..

المهم إنه وقف موضوع فتح الورشة، ولغى فكرة التصويربعد ما اتصالح هو وسعاد حسني، وعملوا بعدها فيلم شفيقة ومتولي..

أما عن حياته الشخصية، فاحمد مظهر إتجوز مرة واحدة بس انتهت بالطلاق، وكان من حب عمره، وهيا سيدة من خارج الوسط الفني، وخلف منها 3 بنات، هما إيمان وريهام ونيفين.

وخلف كمان ولد هو شهاب، واللي كان السبب في الحاډثة اياها وهو طفل، لكنه لما كبر بقى من أكبر المهندسين في مصر، واتشهر بإسم شهاب مظهر..

وفي آخر أيامه عاش أحمد مظهر وحيد في فيلته الخاصة في الهرم، بعد زواج كل اولاده، وكان بيقضي وقته بين الفروسية والقراية.

وكان  في فيلته جنينة كبيرة جدًا، فيها عدد من الأشجار النادرة، بخلاف الحيوانات، ومنها حصانه الخاص.

لكن الفيلا دخل جزء من جنينتها ضمن طريق جديد كانت بيتبنيه الدولة، واتهد جزء كبير من الجنينة، واتشالت الأشجار، فانهار أحمد مظهر، وظهر في برنامج من البرامج وهو بيبكي، وبيستنجد لإنقاذ حديقته.

بعدها ماټ الحصان بتاعه، وبسببه إتدهورت صحته، وابتدا يعاني من الأمراض والاكتئاب..

وبيتقال إنه في الفترة دي فرض عليه أولاده الإقامة في فيلته بالمهندسين، ومنعوه من كل أصدقائه، وعاش في اكتئاب وعزلة لحد ما تملك منه المړض، وجتله جلطة في الدماغ، والتهاب رئوي، واتوفى في 8 مايو سنة 2002..

حابين نعرف رأيكم "هل الخناقة على ترتيب الأسماء كانت تستحق إن أحمد مظهر يترك الفن كله، ويفتح ورشة ميكانيكا؟"