ليه بس كده يا حماتي
بعد جواز عشر سنين و طفل و انا حامل في ابني التاني جوزي جه اعترف لي صريح قوي انه خاني مع زميلته سوزي في الشغل .
حالتي النفسيه كانت قطعا هي الاسوأ و انا بحاول اسأله ليه و انا عملت ايه ده انا حامل في الشهر التاني يعني حياتنا علي المدي القريب قبل البعيد مافيهاش ما يستدعي انك تخوني .
قالي لا ما هو مالوش علاقه ان حياتنا مستقره و انك حامل باني اخونك دي طفاسه عادي . طلبت منه نروح لمتخصص يساعدنا بس رده خلاني استوعب . هو ما اعتذرش عن اللي حصل هو كان بيقوله كأنه بيبلغني معلومه . و بناء عليه وده كان انه مش عايز يكمل في العلاقه ! و اخد شنطه هدومه و مشي .
كانت صډمه قويه جدا لدرجه اني فقدت الجنين كنت هفقد حياتي كمان و ابني و هو طفل كان عنده ٥ سنين وقتها دخل في حاله هلع و كان من الصعب السيطره عليه .
قمت من المستشفي و اناعارفه اني ما عنديش رفاهيه الاكتئاب. انا لازم اقف علي رجلي عشان ابني .
جوزي بعت لي ورق الطلاق ما رمشتش و انا بمضيه . اتفاق الطلاق اني اخد حضانه ابني كامله و البيت و نفقه ابني برقم المحامي بتاعي اتفق عليه و مبلغ مالي من فلوس جوزي . جوزي من عيله ثريه جدا جدا و وقتها كان بيدير و بيمتلك حاجات كتير . بس الحقيقه انا ماكنتش عايزه ادخل في الاعيب الحواه بتاعه المحاميين خصوصا اني وقتها سمعت انه بينكر امتلاكه لاي حاجه و بيرجعها كلها لاهله .
فا اخدت الفلوس اللي كانت قطعا اقل بكتير من نص ممتلكاته و رميته وراء ضهري و مشيت .
بعد الطلاق بحوالي شهر بدأت عشيقته سوزي تبعت لي صور علي للموبايل للسونار لانها حامل ! تبعت لي رسايل اد ايه طليقي بيحبها و انه نسي تماما انه كان متجوز و انه مخلف و انه معاها دي حياه جديده اللي قبلها انتهي .
عملت لها بلوك من كل حته وصل بيها الوقاحه تبعت لي ظرف علي البيت فيه صور السونار تاني و صور لجوزي و هو بيجهز اوضه البيبي !
قلبي وجعني و افتكرت اللي خسرته بسببهم .
علاقتي بامه كانت كويسه هي ست لطيفه لكن من وقت الاحداث دي انا قررت اقطع كل تواصل بيها . علي الرغم من انها حاولت تتواصل معايا و كانت معايا في المستشفى و كانت عايزه تاخد ابني معاها لبيتها لغايه ما اتحسن لكن انا رديت عليها پهستيريا اني مش هسمح لحد ياخد ابني ! كنت قليله الادب جدا و هي كانت ساكته جدا .
علي
