ليه بس كده يا حماتي

عبيد و موهومه لو تخيلت للحظه ان حماتي هتسمح الډم النجس ده يدخل بيتها . و ان الطفل ده اتحكم عليه يبقي منبوذ من عيله ابوه عشان جاي منها !
لما سوزي قعدت تتشحتف انها كده بتظلم طفل مالوش ذنب قالت لها انها هي كمان ظلمت طفل مالوش ذنب و هو حفيدها الوحيد و خربت بيت اهله . حفيدها محتاج تعويض عن الخساره اللي خسرها لكن انت ابنك كفايه ان ابوه و امه مع بعض !
قشطه عليكي يا حماتي !
بس لان الايام الحلوه بتعدي في ثواني حماتي في يوم كلمتني و لما رحت لها طلبت مني اتنقل للعيشه معاها في البيت . لما سألت عن السبب قالت لي انها اكتشفت ان عندها سړطان في المرحله التالته . و انها عدلت وصيتها عشان ابني يورث كل حاجه . البيت اللي عايشه فيه و ده اقرب ل قصر متوارث في عيله جوزي من سنين و فيلا في ايطاليا و بيت في فلوريدا و شقه في نيويورك بجانب ورثه لشغل العيله عندهم سلسله مطاعم اللي بيديرها طليقي دلوقتي . و انا هورث مبلغ مالي محترم .
لما سالتها عن طليقي قالت لي هو راجل كبير و عاقل و ناضج و اتصرف عليه و علي تعليمه مبالغ مش هينه . يقدر يعمل فلوسه الخاصه هي اكتفت من تدليله .
قالت لي اني هكون طبقا لوصيتها الواصي القانوني علي فلوس و ممتلكات ابني لغايه ما يتم ١٨ سنه . و انها اضافت بند في حاله حصل لي اي حاجه يبقي ابويا و امي هم الاوصياء القانونيين .
يعني بشكل كبير جوزي مش هيقدر يحط ايده علي سنت من الفلوس بأي شكل و لا حتي وصايه علي فلوس ابنه .
علي اد حزني عليها علي اد امتناني ليها علي اد احساسي بالذنب تجاه ابن سوزي . يعني انا كنت راضيه جدا بان جده ابني نابذاهم و السبب العبقري اللي قالته ان ابني محتاج تعويض لكن ابن سوزي عنده ابوه و امه لكن مع حصر الممتلكات و الفلوس بقيت شايفه الطفل ده من حقه اي حاجه تسهل عليه حياته .
انا مش شريره و مش ملاك . بس فعليا الموضوع كان معقد جدا .
فاتحت حماتي في انها تسيب لي حاجه لابن طليقي حتي صندوق استثمار للدراسه غي الجامعه . ما ردتش عليا . بعدها بايام بلغتني انها فكرت في كلامي كويس و عملت تعديل اخير في الوصيه .
و هو اني لو منحت او ساهمت في منح ابن طليقي اي مبلغ مالي من ثروتها بعد مۏتها الوصيه الاولي تكون لاغيه و كل حاحه تروح للجمعيات الخيريه !
قررت ابلع لساني و احترم رغبتها . دي
برضه ست كبيره اد امي و ما يصحش اكسر لها كلمه