ليه بس كده يا حماتي

الرغم من اللي حصل في المستشفي قررت ازور حماتي السابقه بالظرف و طلبت منها بهدوء تطلب من ابنها و من مراته الجديده يبعدوا عني .
وقتها حماتي اتحولت !
من الست الارستقراطيه اللي صوتها ما بيطلعش لوحش ! كلمت جوزي في التليفون امرته يجي لها فورا . قررت انسحب لاني مش حابه مواجهه انا بس حابه ..
صړخت فيا انه مافيش مواجهه بس مافيش خروج !
في ايه يا وليه ھتقتليني و الا ايه !
جوزي جه و استقبلته في اوضه جمب الاوضه اللي كنت فيها . كنت سامعاها بتصرخ فيه و هو عمال يعتذر و يقول لها انه ما يعرفش حاجه عن اللي بيحصل . في النهايه امه قالت له يعتبر نفسه بره شغل الاسره و يدور له علي شغل تاني . لو مراته الجديده انشغلت بتوفير نفقات الطفل اللي جاي مش هتلاقي وقت للوساخه دي !
اه حماتي قالت له وساخه ! ما كنتش متخيله انها تعرف تنطق الكلمه دي اصلا .
بعد ما مشي اعتذرت لي كتير و طلبت مني ما احرمهاش من حفيدها الوحيد . قلت لها ما في غيره جاي قالت لي لا ابنك هو حفيدي الوحيد و هيفضل حفيدي الوحيد انا مش هعترف ب عيل امه ما اكتفتش انها خربت بيت قايم دي كمان سايكو بتطاردك !
اوكي يا حماتي اللي تشوفيه 
بعد شهور من اعتذارات طليقي وافقت امه ترجعه الشغل بامتيازات اقل . طبعا سوزي كانت شايفه ان انا السبب في ده . لقيتها من اكونت مجهول باعته لي دعوه لل بيبي شاور بتاعتها .
اخدت الدعوه سكرين و بعتها لطليقي و قلت له انا عارفه ان شغلك علي المحك لم مراتك بدل ما ابعت العبط ده لامك !
ما ردش عليا بس خلال عشر دقايق كان قدام البيت . قعد يعتذر لي كتير و قالي انه اټخانق مع مراته بسبب اللي حصل و ترجاني ما اقولش لامه و وعدني دي اخر مره مراته هتتواصل معايا .
اوكي . نفذ وعده فعلا و علي مدار سنتين ما سمعتش منها حاجه .
بس سمعت عنها كتير .
في الوقت اللي كانت علاقتي بحماتي زي العسل و بتدلل ابني جدا جوزي كان اتمنع يدخل بيت العيله الا لو واخد معاد قبلها و جاي يتكلم مع امه في حاجه ليها علاقه بالشغل . طبعا سوزي و ابنها ممنوعين تماما من التواصل مع حماتي .
في يوم سوزي رفعت حبايه الشجاعه و قررت تروح لحماتي و هي شايله ابنها علي اساس لما ترمي الواد في حجرها حماتي هتقول الډم بيحن و تتعامل معاه انه حفيدها .
جس وات حماتي قالت لها ان ابنها ابن حرام